Komunitate-eremura sartu
Aztertu gaika
Komunitate-eremua
Arreta Soziosanitarioko atariaren komunitate-eremua profesionalentzat, entitateentzat eta sistema soziosanitarioko eragileentzat mugatutako eremu gisa diseinatuta dago. Bere balio-proposamena, plataforma segurua eta pertsonalizatua eskaintzean datza, koordinazioa errazteko, informazio espezializatua eskuratzeko eta arreta soziosanitarioan parte hartzen duten eragileen arteko lankidetza aktiboa sustatzeko.
Arreta Soziosanitarioan lan egiteko modu berri honen onurak
Informazio espezializaturako sarbide esklusiboa
Profesionalentzako dokumentuak, txostenak, araudiak eta funtsezko baliabide teknikoak eskaintzen ditu, eduki garrantzitsua bermatuz haien jarduerarako.
Lankidetza eta koordinazioa sustatzea lan-taldeen bitartez
Lan-talde espezializatuak sortzeko eta kudeatzeko eremu birtual bat eskaintzen du. Bertan, profesionalek, ezagutzak partekatu, proiektuak garatu eta ekintza espezifikoak koordinatu ahal izango dituzte.
Kudeaketa eta plangintza estrategikorako tresna
Plan eta estrategia soziosanitarioak diseinatzeko, ezartzeko eta jarraipena egiteko aukera ematen du, helburu instituzionalekin bat eginez.
Sarbide pertsonalizatua eta segurua
Erabiltzaile bakoitzak bere profilarekin bat datozen eduki eta tresnetara soilik sartzeko aukera izango du, datuen babeserako araudiak betez eta konfidentzialtasuna indartuz.
Lan profesionalaren optimizazioa
Informazioaren zatiketa murrizten du eta barne- baliabideak, dokumentuak, eta zerbitzu eskuratzeko eraginkortasuna hobetzen du, eguneroko zereginen kudeaketa azkarragoa eta eraginkorragoa eginez.
Komunitate-Eremua honako hauentzat da:
Arlo soziosanitarioko profesionalak
Baliabide espezializatuetara sartzeko, lan-taldeetan lankidetzan aritzeko, ekimen estrategikoetan aktiboki parte hartzeko, edukien sorkuntzan laguntzeko eta komunitatearentzat interesgarriak diren baliabideak partekatzeko.
Hirugarren sektoreko entitateak eta gizarte-erakundeak
Proiektuetan parte hartzea kudeatzeko, zuzendaritzarekin koordinatzeko eta politika soziosanitarioen ezarpenean laguntzeko.
Tokiko erakundeak eta agintariak
Helburu instituzionalekin bat eginez, erantzukizun-eremuetan politikak gauzatzea eta ebaluatzea errazteko.
Komunitate-eremua komunitateetan eta taldeetan antolatuta dago, eta lanak modu kolaboratibo eta koordinatuan egin daitezke plataformaren barruan.
Komunitatea
Komunitateak espazio birtual gisa pentsatuta daude, errealitatean dauden lan-taldeak islatzen dituztenak, komunikazioa, informazio-trukea eta kideen arteko koordinazioa erraztuz.
Taldea
Bestalde, taldeak espazio espezifikoagoak dira, helburu jakin bat edo proiektu jakin bat garatzeko sortuak. Komunitate-eremuan parte hartzen duen edozein pertsonak sor eta kudea ditzake taldeak.
Komunitate edo talde baten barruan sartzean, Komunitate-eremuak lau atal hauek dituen lan-eremu bat eskaintzen dizu, hainbat funtzionalitaterekin:
Oharrak
Profesionalen artean komunikatzeko, gogorarazleak uzteko edo mezuak trukatzeko kanala.
Ekitaldiak
Egutegi partekatua jarduerak antolatzeko eta xehetasun logistikoak kontsultatzeko, komunitate osoarentzat eskuragarri.
Lan-dokumentuak
Informazioa modu irisgarrian sortzeko, antolatzeko eta partekatzeko eremua.
Solasguneak
Elkarrizketa zentralizatzeko, eztabaida-hariak sortzeko eta zuzeneko komunikazioa leku bakar batean errazteko espazio arina.
Nork sor ditzake komunitate birtualak?
Arreta eta koordinazio soziosanitarioarekin zerikusia duten profil profesional guztiei irekita dago Komunitate-eremua.
Gaur egun, Komunitate-eremuko komunitate berrien sorrera martxan jarri da. Beraz, tresna hau zure lanerako erabilgarria izan daitekeela uste baduzu eta beste komunitate birtual bat proposatu nahi baduzu, Arreta Soziosanitarioko Zuzendaritzari eska diezaiokezu.
Horretarako, bete harremanetarako formularioa, proposatutako komunitatearen izena eta helburuen deskribapen labur bat adieraziz.