Komunitate-eremura sartu
Buletinera harpidetu
Lagun gaitzazu hobetzen
Elkarreragingarritasun Soziosanitarioa
Atal honetan, elkarreragingarritasun soziosanitarioari buruz jakin behar duzun guztia aurkituko duzu.
EAEko eredu soziosanitarioak sorospen-ikuspegitik arreta integratua lortzea du helburu, egitura instituzionalen, informazio-sistemen eta eskumenen autonomia errespetatuta. Arreta soziosanitarioa elkarri laguntzen dioten, elkar ulertzen duten eta elkarren arteko konfiantza duten hainbat sistema koordinatzearen emaitza gisa planteatzen da.
Deskribatutako egoerari erantzuteko, EAEko eredu soziosanitarioak, informazio-sistemen arloan, ikuspegi soziosanitarioa txertatzen du nola historia sozialean hala historia sanitarioan (eta beste informazio-sistema sektorial batzuetan, hala nola hezkuntzan), eta horien arteko elkarreragingarritasunaren bidez egiten du, profesionalen baterako lan-dinamika koordinatuari laguntze aldera. Horrela, elkarreragingarritasuna zeharkako elementua da koordinazio soziosanitarioa garatzeko.
Koordinazio soziosanitariorako tresna digitalak
Europako finantzaketak benetako laguntza eman dio EAEko administrazioek elkarreragingarritasuna garatzeko egin duten apustuari, eta honako tresna hauetan zehaztu da:
Elkarreragingarritasuna koordinazio soziosanitarioaren garapenean aplikatzen ari da edo aplikatuko da honako jardun-arlo hauetan, erabilera-kasuetan oinarrituta:
Koordinazio soziosanitarioa lehen mailako arretan
Ikuspegi soziosanitarioa sustatzea etxeko arretan
Arreta goiztiarreko arreta pertsonalizatuko plan bakarraren kudeaketa partekatua
Mendekotasunaren eta desgaitasunaren balorazioaren koordinazioaren bilakaera
Kronikotasuna eta mendekotasuna ikuspegi integraletik
Landa-eremurako laguntza-eredu berria
Indarkeria matxista duten familia-testuinguruetan bizi diren pertsonen arreta
Gaixotasun neurodegeneratiboen eta neuromuskularren esparruan arreta integratua garatzea
Elkarreragingarritasuna sistema soziosanitarioaren funtsezko zutabea da, eta arretan inplikatutako eragileen artean informazioa trukatzeko aukera ematen du. Horregatik, testuinguru soziosanitarioko elkarreragingarritasunak printzipio hauek ditu:
Segurtasuna
Une oro pazienteen eta erabiltzaileen datuen babesa eta informazioaren pribatutasuna bermatzea.
Efizientzia
Kalitatezko arreta soziosanitarioa eskaintzeko baliabideak eta prozesuak optimizatzea, denborak eta kostuak murriztuz.
Berrikuntza
Elkarreragingarritasuna eta arreta integratua hobetuko duten teknologia eta praktika berrien ikerketa eta garapena sustatzea.
Lankidetza
Osasunaren eta gizarte-zerbitzuen sektoreko eragileen artean elkarlanaren eta sinergiaren kultura sustatzea.
Gardentasuna
Pazienteekin, erabiltzaileekin eta alderdi interesdun guztiekin komunikazio irekia eta argia izatea.
Humanizazioa
Pertsonak arretaren erdigunean jartzea, haien eskubideak, beharrak eta lehentasunak errespetatuz.
Aukerak eta erronkak elkarreragingarritasun soziosanitarioan
Elkarreragingarritasun soziosanitarioa abian jartzeak behar tekniko bati erantzuteaz gain, zainketak emateko modua indartzen eta eraldatzen duten aukera ugariri atea irekitzen die. Jarraian, sistema soziosanitarioan ezartzeak ekar ditzakeen abantaila nagusiak aurkeztuko ditugu:
Aukerak
- Arretaren koordinazioa hobetzea
Inplikatutako eragileen arteko etengabeko informazio-fluxua errazten du, eta, horri esker, erabakiak arinago har daitezke, arreta integratuagoa eta pertsonalizatuagoa emateaz gainera.
- Baliabideak optimizatzea
Datuak partekatzean eta ahaleginen bikoiztasuna murriztean, eskura dauden baliabideak optimiza daitezke eta, honenbestez, efizientzia hobetu eta kostuak murriztu.
- Pertsonarengan zentratutako arreta
Erabiltzaileei informazioa eskuratzeko eta arreta-prozesuan aktiboki parte hartzeko aukera ematen die; hala, autonomia faboratzen da eta erabakiak modu informatuan har daitezke.
- Berrikuntza bultzatzea
Datu elkarreragingarriak eskuragarri egoteak arreta soziosanitarioa hobetu dezaketen teknologia eta konponbide berrien ikerketa eta garapena sustatzen ditu.
- Datuaren gobernantza
“Datu bakarraren” ikuspegia indartzen du, eta partekatutako informazioaren sendotasuna, kalitatea eta trazabilitatea ziurtatzen ditu. Hori lagungarria da arreta segurtasun eta koordinazio handiagoz emateko.
Erronkak
- Datuen segurtasuna eta pribatutasuna
Informazio sentikorra trukatzeko, babes-sistema sendoak behar dira, eta datu pertsonalak babesteko araudia zorrotz bete.
- Konplexutasun teknikoa
Hainbat sistema integratzea garestia eta konplikatua da batzuetan. Estandar argiak, plangintza ona eta baliabide egokiak eskatzen ditu.
- Aldaketaren aurreko erresistentzia
Baliteke kultura- edo antolaketa-oztopoak egotea elkarlanerako modu berriak ezartzeko garaian. Funtsezkoa da prozesu horiei prestakuntzarekin eta komunikazioarekin laguntzea.
- Mendekotasun teknologikoa
Elkarreragingarritasuna sistemen funtzionamendu egokiaren araberakoa da. Litekeena da akats teknikoek eragina izatea arretaren jarraitutasunean ez badira behar bezala kudeatzen.
- Arau-esparru argirik ez egotea
Ondo definitutako erregulaziorik ez egonez gero, baliteke ziurgabetasuna edo zailtasunak sortzea inplikatutako eragileen artean. Funtsezkoa da jarraibide legal zehatzak izatea.
- Ikuspegi etikoa
Legea betetzeaz gain, funtsezkoa da printzipio etikoak betetzea, hala nola autonomia, justizia edo kalterik ez egitea. Pertsonek informatuta egon behar dute eta beren informazioaren erabilerari buruzko erabakietan parte hartu behar dute.
