Komunitate-eremura sartu
Buletinera harpidetu
Lagun gaitzazu hobetzen
Printzipioak, aukerak eta erronkak
Elkarreragingarritasuna sistema soziosanitarioaren funtsezko zutabea da, eta arretan inplikatutako eragileen artean informazioa trukatzeko aukera ematen du. Horregatik, testuinguru soziosanitarioko elkarreragingarritasunak printzipio hauek ditu:
Segurtasuna
Une oro pazienteen eta erabiltzaileen datuen babesa eta informazioaren pribatutasuna bermatzea.
Efizientzia
Kalitatezko arreta soziosanitarioa eskaintzeko baliabideak eta prozesuak optimizatzea, denborak eta kostuak murriztuz.
Berrikuntza
Elkarreragingarritasuna eta arreta integratua hobetuko duten teknologia eta praktika berrien ikerketa eta garapena sustatzea.
Lankidetza
Osasunaren eta gizarte-zerbitzuen sektoreko eragileen artean elkarlanaren eta sinergiaren kultura sustatzea.
Gardentasuna
Pazienteekin, erabiltzaileekin eta alderdi interesdun guztiekin komunikazio irekia eta argia izatea.
Humanizazioa
Pertsonak arretaren erdigunean jartzea, haien eskubideak, beharrak eta lehentasunak errespetatuz.
Aukerak eta erronkak elkarreragingarritasun soziosanitarioan
Elkarreragingarritasun soziosanitarioa abian jartzeak behar tekniko bati erantzuteaz gain, zainketak emateko modua indartzen eta eraldatzen duten aukera ugariri atea irekitzen die. Jarraian, sistema soziosanitarioan ezartzeak ekar ditzakeen abantaila nagusiak aurkeztuko ditugu:
Aukerak
Inplikatutako eragileen arteko etengabeko informazio-fluxua errazten du, eta, horri esker, erabakiak arinago har daitezke, arreta integratuagoa eta pertsonalizatuagoa emateaz gainera.
Datuak partekatzean eta ahaleginen bikoiztasuna murriztean, eskura dauden baliabideak optimiza daitezke eta, honenbestez, efizientzia hobetu eta kostuak murriztu.
Erabiltzaileei informazioa eskuratzeko eta arreta-prozesuan aktiboki parte hartzeko aukera ematen die; hala, autonomia faboratzen da eta erabakiak modu informatuan har daitezke.
Datu elkarreragingarriak eskuragarri egoteak arreta soziosanitarioa hobetu dezaketen teknologia eta konponbide berrien ikerketa eta garapena sustatzen ditu.
“Datu bakarraren” ikuspegia indartzen du, eta partekatutako informazioaren sendotasuna, kalitatea eta trazabilitatea ziurtatzen ditu. Hori lagungarria da arreta segurtasun eta koordinazio handiagoz emateko.
Informazio sentikorra trukatzeko, babes-sistema sendoak behar dira, eta datu pertsonalak babesteko araudia zorrotz bete.
Hainbat sistema integratzea garestia eta konplikatua da batzuetan. Estandar argiak, plangintza ona eta baliabide egokiak eskatzen ditu.
Baliteke kultura- edo antolaketa-oztopoak egotea elkarlanerako modu berriak ezartzeko garaian. Funtsezkoa da prozesu horiei prestakuntzarekin eta komunikazioarekin laguntzea.
Elkarreragingarritasuna sistemen funtzionamendu egokiaren araberakoa da. Litekeena da akats teknikoek eragina izatea arretaren jarraitutasunean ez badira behar bezala kudeatzen.
Ondo definitutako erregulaziorik ez egonez gero, baliteke ziurgabetasuna edo zailtasunak sortzea inplikatutako eragileen artean. Funtsezkoa da jarraibide legal zehatzak izatea.
Legea betetzeaz gain, funtsezkoa da printzipio etikoak betetzea, hala nola autonomia, justizia edo kalterik ez egitea. Pertsonek informatuta egon behar dute eta beren informazioaren erabilerari buruzko erabakietan parte hartu behar dute.
