ONGIZATE EMOZIONALA NERABEZAROAN ETA GAZTAROAN

Osasun mentala ongizate orokorraren funtsezko zatia da. Bizitzako erronken aurrean pentsatzen, sentitzen eta jokatzen dugun moduari eragiten dio. Nerabezaroan, aldaketa fisiko, emozional eta sozialez beteriko etapan, osasun mentala zaintzea bereziki garrantzitsua da.

Osasun mentala gure emozio, pentsamendu, harreman eta portaeren arteko oreka da. Ez du esan nahi "beti ondo egotea", baizik eta sentitzen duguna aitortu ahal izatea, zailtasunak modu osasungarrian maneiatzea eta behar denean laguntza eskatzea. Bertan sartzen da nola ulertzen eta adierazten dituzun zure emozioak; nola moldatzen zaren beste pertsona batzuekin, nola hartzen dituzun erabakiak eta nola konpontzen dituzun arazoak, eta nola sentitzen zaren zeure buruarekin.

Honako hauen lankidetzarekin: Buru Osasuna Euskadi (FEDEAFES), Agifes, Asafes, Asasam, Avifes.